準時真的很重要!
如果係落雨天 要注意褲腳不要被濺得濕立立 你把遮亦唔好響人地公司滴滴滴滴滴...
如果係熱天 要注意唔好攪到自己身水身汗有臭味
必要時唯有搭一下的士 都唔好俾人壞印象~
由入門口開始就要微笑 要平易近人的樣子
對RECEPTION姐姐要有禮貌
要預備好所有文件 CV都要印多2份 1份交俾佢 1份可以自己望住來填form
入房前要敲門 入房後要早晨你好打招呼 等佢講"請坐"先好拉凳坐
坐低腰挺直或靠椅背 唔好死蛇懶鱔~
佢叫你介紹自己 要輕鬆D
可能先講自己英文名(親切d)
e.g "我叫阿Tom"
剛剛做緊咩
e.g "我岩岩考完會考"
來公司既目的
e.g "我響勞工處見到你地公司招聘文員 我覺得都幾適合我 所以想來試下"
你既經驗
e.g "咁其實我都曾經響中四暑假有段時間都做過暑期工 響xx公司都係做一d文書既事務 例如入data、同客果邊聯絡呀咁"
點解你覺得要請你
e.g "我做事都有交帶既 我明白冇咩事唔應該請假 同埋有時如果d野做唔哂可能要OT一下 當然啦 最好梗係盡快響番工時間做哂佢就唔駛OT啦~"
e.g "我做事有條理既 平日我習慣將事情記響notebook 咁樣可以好好分配時間完成手上工作 我覺得咁樣比較有較率"
之後佢可能會問你一d問題咁就睇番你份咩工啦~
例如
"如果個客話要退貨喎 咁你點做呢?"
"如果個學生打其他同學 咁你會點解決呢?"
之類 咁就要靠你經驗 或者問番你果行既人先知點答喇~
最後又可能會問
"點解你要揀我地公司?"
咁就要靠你上網做功課喇~
如果公司大 可以話"因為你地公司響行內都好出名 我好希望可以成為一份子"
如果公司細 可以話"因為公司規模冇咁大 作業冇咁機械式 我凡事可以親力親為 有更多進步空間"
哈哈 好長呀 係咁!
good luck!
