ka911007

RIP
踩單車時都係靠左+紅色閃燈.

Vindicator

引用:

原帖由 ka911007 於 8-5-2011 22:28 發表
RIP
踩單車時都係靠左+紅色閃燈.

x2
以後都會向後睇多兩眼

hung

而家馬路上坩多車，好多時司機嘅態度又係問題， 尤其是啲綠頂及紅頂小巴， 大多奪命車禍都多數係佢哋，所以為保生命單車手都係踏單車徑安住啲！！！ 　　　

N_G

又唔可以話個師機錯曬 , 有次見過有兩個後生仔五六點係旺角馬路踩單車,條路多車唔在講,佢兩個仲要一字排開頂住條路..........  所以單車都係去返單車徑安全啲

Elf

引用:

原帖由 gtoray 於 8-5-2011 14:50 發表
好多有牌ge司機都認為單車阻住曬
但其實單車係唔一定要靠左的, 甚至有權佔用一條行車線
不過為著自己條命仔, 我好少踩馬路, 就算踩都有咁左靠咁左

今次意外,係後車(van)撞前車
睇埋條 6-70 米ge剎車痕
我諗唔 ...

無錯, 其實單車手都係道路使用者, 要守道路規則, 速度, 紅燈. 法律上佢地係有權係馬路走
其實係線中間行係安全過邊, 試想下有架大貨車係你旁邊過, 佢見你唔到, 泊過黎你就玩完.
講到尾, 香港人多車多路少, 公共交通工具又多, 路面咁危險, 最好都係留番係大圍踩單車徑去大埔算...

B20_hk

我自己平時有揸車
眼見很多單車人仕霸住條Lane中間
推佢又唔係...
又見過有人星期天在西沙路上踏單車(假日禁止)

但記住"香港司機"個個趕住去死
所以單車,電單車都要小心

Hkpolice-Psu

最主要係應該政府要做野，
渣車要考牌，點解單車成為道路使用者就唔洗考？

出事起上尼，無論所有問題又入晒駕駛者

最近令我覺得有問題既案例，有次我九龍經屯公入到藍地青山公路，明明左手邊有單車徑，但有班dup頭好形咁一字排開阻晒成條行車線慢線，行得果30左右，但係條路行70，

點算？

gtoray

引用:

原帖由 Hkpolice-Psu 於 9-5-2011 03:37 發表
最主要係應該政府要做野，
渣車要考牌，點解單車成為道路使用者就唔洗考？

出事起上尼，無論所有問題又入晒駕駛者

最近令我覺得有問題既案例，有次我九龍經屯公入到藍地青山公路，明明左手邊有單車徑，但有班dup頭好形咁一字排開阻晒成條行車線慢線，行得果30左右，但係條路行70，

點算？

我都覺得單車踩馬路係應該要有牌 , 可以係類似入山牌
既要有權利, 有義務都好應該!

而你講ge案例, 我唔知70以下ge路行30得唔得
但佢地係犯左其他法例
因為法例規定有單車徑響兩傍ge馬路係唔可以踩單車的
呢d case 比交通警見到一定小爆
你下次見到咁ge情況都可以小返佢地入去
至於慢線一字排開阻晒成條行車線就冇得講
因為係有權咁做, 我覺得你唯有響快線過佢地lor
道路使用者守則係有叫單車響馬路靠左
但法例上單車係一架交通工具, 係有限制, 但不存在次等路權

odaan

引用:

原帖由 Hkpolice-Psu 於 9-5-2011 03:37 發表
最主要係應該政府要做野，
渣車要考牌，點解單車成為道路使用者就唔洗考？

出事起上尼，無論所有問題又入晒駕駛者

最近令我覺得有問題既案例，有次我九龍經屯公入到藍地青山公路，明明左手邊有單車徑，但有班 ...

其實政府做野都無用
夠話丟垃圾要罰錢 , 咪一樣陽奉陰違

單車明知單薄 , 又唔夠人快 , 點都應該有驚死既心態 , 行埋一邊 , 君子不立危牆
無奈香港人 "唔見蠔爺唔留眼淚"

馬路越行得慢就越大部 , 越細部就越快 , 單車又要學人攝車罅 , 有事發生 , 邊個錯又點 ?? 都已經非死即傷

我只係見到人地話個小巴司機 , 但見過單車係馬路左穿右插衝紅燈未 ??

但單車無車牌 , 佢鍾意衝紅燈 , 逆線 , cut 雙白 , 你話佢 ?? 佢回頭答你一句 "你吹波呀!!"

所以係馬路踏單車 , 風險係自己爭取既 , 出左事 , 其實怨唔到人

gtoray

引用:

原帖由 odaan 於 9-5-2011 09:32 發表


馬路越行得慢就越大部 , 越細部就越快 , 單車又要學人攝車罅 , 有事發生 , 邊個錯又點 ?? 都已經非死即傷

我只係見到人地話個小巴司機 , 但見過單車係馬路左穿右插衝紅燈未 ??

但單車無車牌 , 佢鍾意衝紅燈 , 逆線 , cut 雙白 , 你話佢 ?? 佢回頭答你一句 "你吹波呀!!"

所以係馬路踏單車 , 風險係自己爭取既 , 出左事 , 其實怨唔到人.

的確有d單車友又真係幾衰格, 不過規規矩矩亦有好多
尤奇係衝紅燈, 有d好 pro ge車友都係咁
其實單車犯交通法例一樣會炒牌上庭

馬路踏單車係有風險, 但於馬路踏單車風險係自己爭取呢個我唔太認同

有時馬路踏單車都係為世所迫
因為好似市區咁講, 單車徑係少之有少, 咁踩 road bike 既車友唔踩馬路唔通踩行人路?

就係因為有d駕駛者抱住"馬路踏單車出左事自已攞嚟"呢個心態
令守規矩ge車友於馬路上更危險

gtoray

http://www.am730.com.hk/article.php?article=55433&d=1476

引用:

吹脹80後 - 林輝
如果
(2011年05月09日)

日前在青山公路又發生一宗慘劇：一位年輕單車手被懷疑超速的紅色小巴撞倒，即使單車手有戴頭盔，最終還是不治。我不明白，只不過是騎單車而已，為甚麼在香港就要變得好像玩命一樣？
有人會立刻說：對呀，香港就是不適合在馬路上踩單車的，因為香港地少人多、車多路窄、寸金尺土……也許都對，但這些都是結果，而非真正原因。真正阻礙安全騎行的原因，是我們缺乏對城巿空間的想像力。路除了行人和汽車之外，如果單車要分享道路的話，是否真的沒有可能？
如果，單車徑連得好好的，讓騎單車的不用每100米停一停？倫敦快可以──那兒正在建「單車超級公路（Barclays Cycle Superhighways）」，讓單車可在巿中心內安全使用道路。如果，讓單車安全擺放，不必擔心昂貴的單車轉眼被盜？東京可以──那兒不單有充滿公德心的巿民，也有讓人停泊單車的收費停車場。
如果，隨處借到單車使用，讓人隨借隨還？巴黎可以──那兒有叫Vélib’的單車租借計劃，共有千多個單車租借點、二萬多輛單車隨時出租。如果，帶單車上公共交通工具，可以嗎？哥本哈根可以──那兒的的士甚至必需要裝有可放置單車的尾架，也不可拒載單車！
如果，單車變成一種令人驕傲的文化，成為增長旅遊業的方法？台灣可以──電影《練習曲》加上當地政府的大力推廣，不單環島單車旅行成為了一時風尚，巿區內的單車配套也大為改善，巿民以單車文化自豪。如果，透過單車改變城巿氣質，將之變得更人性？紐約正在做──單車徑不再是河邊的休閒車邊，而是大規模地伸展到繁忙的巿中心內，令這個世上最擁擠的城巿變得更豐富、更人性。
這些大城巿都可以，為甚麼香港不能？又一位騎士的死亡，提醒著要香港變得bike friendly，這樣的一天不會從天而降，如果我們不爭取的話。5月18日的「沉默的騎行 Ride of Silence」，既可為在路上死去的騎行者哀悼，同時爭取對單車更友善的環境。

kimkileo

引用:

原帖由 gtoray 於 9-5-2011 10:46 發表
http://www.am730.com.hk/article.php?article=55433&d=1476

讚!....香港好多野都真係太死板，好多野要做其實真係唔洗拖咁耐，600億掉落海起條唔係高鐵速度既高鐵都唔快快搞好環新界單車徑聯網...唉...

2slow

唉... RIP

tktom

rip

Vindicator

引用:

原帖由 gtoray 於 9-5-2011 10:46 發表
http://www.am730.com.hk/article.php?article=55433&d=1476

始終香港人覺得單車係消閒多過交通工具
而且係香港，有好多馬路使用者都唔知單車原來可以行馬路

http://www.youtube.com/watch?v=fhHNXUt0KBA
態度好差