引用:
原帖由 tonyjaa 於 5-6-2008 12:42 發表
我地97前以前跟過英軍玩，都有bingo，但唔係凈嗌，係連埋lock人(cqc)。
我可以打多個比喻你就會明白。
周星星果套逃學威龍第一集，一開始打kill house，星星剛換匣就有條友拿住ak突入，星星立刻用身位 ...
呢種bingo方法係好好,但個人覺得只局限對較資深玩家可使用,何解?
我試過N年前打古洞雙方隔住一幅牆,對方伸出鎗管,我一手捉住鎗管推開同時轉身用鎗指住對方並喊Bingo,
換來的是一輪粗口,問我點解要捉鎗?係咪想打交?跟住仲話我整花佢枝鎗要我陪,我當然啋佢都有味,卒之嗌交收場.
好多年前打底邊力時亦試唔少相隔四,五尺距離對背向我嘅敵方喊Bingo,換來的是敵方轉身回火,我被近距打爆,
跟手問敵方:[師兄,Bingo咗你,你仲還火?]
敵方回答:[我冇聽到你有嗌Bingo喎,只知道家下係我打中你,你係咪唔認??]
好老實,聽唔到我嗌Bingo就唔會轉身開火啦?
同一case,另一種答法係:[哎!唔好意思!我係新人,緊張,咁啦~當一齊死啦~OK?!]
俾你咁樣揚咗我出嚟,我家下唔走都唔慌有好日子過,只有谷氣死,仲話自己係新人?高手至真啦~
咁即係點呢?lock人再Bingo會有身體接觸,亦有機會撞花人地d Gear,會嘈.
好嘞,唔接觸,五尺內Bingo又有機會比人打番轉頭,又嘈.
所以家下除training,同自己人玩外,一律冇Bingo,近距盡量打鞋,背向就打pat pat,免生事端
[
本帖最後由 d.s 於 5-6-2008 13:53 編輯 ]
