引用:
原帖由 louis265 於 4-4-2009 22:57 發表 
我老母竟然用"一係揀槍,一係揀我"呢句黎壓我..
我自問冇荒廢學業,點解佢要咁做??!
鬱到就黎有抑鬱症喇,,唉
我細細個第一支自己儲錢(屋企比既零用)買既槍....
只係一支馬老二手槍....
番到屋企未落過場就比我阿爺問都唔問囉個槌仔打碎....
我阿爺當時剩係講左句 "唔係驚你死!係驚你射到人!"
佢話危險唔比玩....唔通我又要抑鬱症?
講真一句....E家咁多膠神....帶住個MASK就開POST扮勁....
有D連MASK都唔帶....何為安全??
我唔係懷疑樓主....不過你能唔能夠自問可以處理到自身安全問題??
好喇....你處理到自身安全問題....咁你處唔處理到別人安全問題??
有D人買槍唔係為打GAME....係窗口射路人....射巴士....射貓射狗....呢D見唔少....
當然....即使你真係處理到呢d問題....
但係有一樣野就係....個個人家庭唔同....
唔係個個想玩有得玩....
外國有細路幾歲囉槍牌燒真槍tim....
我好唔滿意架....唔通我又要抑鬱?
最後贈樓主一句 "人生不如意事十常八九" ....
有d野唔係想就有的....
我都曾經有好多野想要....我都曾經有好多希望....
我亦因為咁絕望過好X多次....
如果要抑鬱既我早就死左 / 青山見了....
唔怕講....我自己係cgf既時間唔長....
見到呢個post我都有d感觸....我以前都有開過類似既post....
我果時開post比你更悲壯....比人插足幾廿頁....
我唔敢話自己成熟左....但可以話你聽....呢d野....
"遲下你就明的了"....
多謝你睇哂咁多字....
[
本帖最後由 101653 於 22-4-2009 02:46 編輯 ]
