我無意抽水，只不過想以一次和一名一齊住的香港同學意見不一的事來分享少少自己對危機ge見解。
事情如下：
小弟在外地讀書，剛好幾星期前有10多天假期加上有朋自遠方來，所以決定一行五人開始10天的自駕遊。
小弟和朋友在出發前準備了以下物資(大家夾錢的)以作不時之需(在freeway壞車，遇上意外，找不到住的地方etc)
1.可應付小型交通意外和足夠5-8人用的First-aid kit
2.Muffin，餅乾，朱古力和包裝飲品等普通乾糧
3.2枝2.5L ge 蒸餾水
4.6份自熱餐(類似MRE)
5.GPS
*以上物質除第2 & 5項外均和其他行李放在車尾箱。
其他個人物資如下：
替換衣服，個人清潔用品，電筒，水，足夠ge禦寒衣服，小量ge防水物品和足夠ge備用電池。
而在旅程完結時，所有大家夾錢的物資均有小量的消耗。(Last day ge 晚餐因為山窮水盡左，回到家又發現雪櫃已被其他同屋主清空，所以迫住開自熱餐食。)
第二日，當大家Share緊是次旅程和叫無去ge朋友一齊去ge時候，這一名一齊住的香港同學發表了以下意見：
去唔係問題，不過唔好叫我夾錢買咩應急物資，因為我實用唔着ge~
first-aid kit?有咩事叫救護車去醫院la~
應急食糧同水，有需要時有錢就一定買到ga la~洗咩放一堆係車，D味又未必個個啱食。
GPS，用iphone咪得lor~
另外電筒，小量ge防水物品和足夠ge備用電池？架車有車頭燈ga ma~防水物品洗咩ar~落雨咪唔落車lor~
我聽完就覺得，你講咁耐，都係唔想俾分錢係D無咩機會用得着ge野je~
而聽完我都費時解釋點解要預備應急物資，因為lee d 人係講極都唔明。
好老實講，香港有好多人就係咁諗野，點解要用錢係D無咩機會用得着ge野？點解唔用D錢去吃喝玩樂/用係自己身上？有咩事打3條九實有人黎救我ga la~ LEE D 人點解咁諗，因為學校無教？因為社會只教你用錢去吃喝玩樂而無未雨綢繆？我唔知。我只知道有起咩意外lee班人一定係死先個班。睇番以下新聞，我真係覺得香港人/中國人要參考下，
http://hk.news.yahoo.com/article/110312/8/n6pe.html
"多數日本人民都知道，必須在家中近門處放置背包，其內塞滿瓶裝水、脫水或罐裝食品、急救包、現金、衣物、收音機、手電筒和許多備用電池。"
先別說防災或某些意外，去玩一些有機會受傷的活動或去camp應該準備D咩都唔識，(如各位還記得我之前講過某大學o-camp例子) 還有，里安師兄提出上次英國大雪學生滯留機場的事件。這些不算得上危機/災難/意外的事，香港人除左識鬧和投訴外應變能力可算是無。 如這麼不幸，真的有大型ge天災人禍發生係香港，單靠政府ge應急部隊/解放軍的救援，真的可以解決迫在眉睫的危機。還是學懂少少應急技巧和知識和用少少錢買D應急物資去解決面前ge危機呢？
以上內容純粹分享，不喜勿插，謝謝。
P.S.小弟覺得在自駕遊中，應準備備用無線電通訊器材。因為今次去到一個收不到電話訊號的地方，分開活動真係幾麻煩同唔方便。
