又咁講，咩學歷咩背景出身都好，同佢既工作表現 / 心態無直接關係既。
我唔否認可能會有工友係遇到危險時掉頭就走，畢竟呢個係人性既表現。
不過，會咁做既人，又係咪剩係得毅進出身既工友呢?
又或者掉返轉講，
其他學歷 / 背景既人呢? 莫非讀多兩年書就唔會怕死?
x x x
唔講其他人，我伯爺當年小學畢業入伍，
葉繼歡橫行港九之時，佢正正就係西衝鋒，
我唔知老豆有無誇大啦，但佢聲稱親身經歷既槍戰場面不在少數，
而當年既我偶爾都會係大案發生之後，係報紙電視上面見到老豆(and 佢隊人)。
其中一單佢最津津樂道既案件一幕，
就係賊人為求脫身向佢架EU車拋手榴彈，
佢地仍然係咁追 (事後慶幸個賊驚得滯唔記得拔安全針...)
都係咁樣拉。
講返上面，如果低學歷 / 讀唔成書就代表佢既個性唔適做警察的話，
咁請問，我老豆呢代讀書唔多，
但一直衝鋒陷陣(有搏有唔博啦)，最後好歹光榮退休既前輩，
佢地又證唔證明到你既理論
不正確呢?
x x x
至於射擊測試，好簡單一條問題：
現實中警察執勤，又有幾可要係三四十米外用手槍開槍?
當無必要係遠距離外使用手槍射擊的話，
又有否必要考核三四十米外用手槍射擊?
如果話「有備無患」所以應該乜都考的話，我地又駛唔駛學台灣咁，訓係地下頭頂地咁開槍?
請記住我地生活係現實世界中。
BTW，你對我地射擊考試既描述並不正確。
x x x
最後，我真心認為用學歷背景去標籤一個人既個性同工作能力係極其幼稚既行為，
咁同見到某人既膚色種族之後標籤佢又有咩分別?
引用:
原帖由 open 於 14-5-2011 10:16 發表 
我聽個毅進吹水普通警察年年打中10米target就pass
我問佢你當差,一遇上博火,你點做?
佢答我:放低支槍即走
恐怖分子一等唔係咁
