我唔係販管隊，都無朋友係販管隊，
不過我就不止一次係販管隊執勤時係附近目擊佢地既執法行動。
我想講既係，好多時係拉小販 / 告貼街招既行動入面，
疑犯 / 干犯者都係唔會順攤地服從執法人員指示既。
可能有人會話「哇，拉大賊咩？ 駛唔駛十幾人圍住個阿伯 / 阿婆呀？差人都係一個拉幾個咋嘛」
憑個人經驗，我會話，
雖然十幾個拉一個確實係唔好睇 (問心，真係人多蝦人少，黑仔所為咁)
但對於販管隊黎講，確實係有呢個必要，原因如下：
(1) 有幾何小販係單打獨鬥既? 唔講遠，就講經常係我屋企樓下果堆，
每次開檔連睇水有成十四五人，對於隨左手上部GP300外，就乜都無既販管隊黎講，
兩個人一pair去拉小販? 我睇唔到有咩成功機會囉...
(2) 「咁警察咪又係一個人拉幾個?」
呢點，我會話係訓練既問題。
同埋，不得不承認既係，呢一身警察制服，係唔少疑犯，甚至係普通市民面前，
的而且確係有一定既阻嚇性既。好多時，只要軍裝警員一個，單靠言語，就已經足夠控制場面。
相反，販管隊人員對於市民黎講，就無左呢個「阻嚇/威嚇」既力量，而同時亦因為法例上對佢地賦權不足，
而我相信，亦都係呢個原因，販管隊人員先會選擇以「空群而出」作為執勤方式，
同埋一遇到阻礙就立即報警呢種手段。
x x x
根據同販管隊管理人員 / 前線人員既交手經驗，
其實佢地好多時都受限於人手不足，所以好多野都做唔到，
變相放任左小販既固定出現，久而久之做成「我日日都係到賣架啦，你做乜今日無啦啦黎搞我?」
呢種疑似「擾民」既做法。
據知，某D較為大既住宅區域入面，扣除例假，每日可能得六至七名販管隊員當值，
但有小販投訴既地方卻可能多達十五六處(基本上地鐵站口同屋村都有架啦...)
加上法例唔完善同相關限制
(如：無權力強制違例者出示身份證、推廣服務唔算小販、 入唔到公屋/居屋範圍、未經批准唔可以便裝行動等)
販管隊除左派人棟係到幾個鐘「嚇鬼」之外，基本上都做唔到D乜。
之但係，全程「棟足」亦講唔通，
問心，你係住客 / 議員，你果區一直都有小販投訴，而眼見亦周圍都有小販，
但販管隊就全個月都拉唔到一單，你接唔接受到先？
x x x
老實講，執法人員，主要工作真係去「妨礙市民自由自在隨心所欲咁生活」。
因為無限制既「自由自在」同「隨心所欲」，往往會為其他人帶來滋擾，
所以先要有法律同執法人員。
亦因為咁，對於被「妨礙」既人黎講，唔妥執法人員都係人之常情。
但咁又代唔代表住因為你既唔高興，就可以隨意咁拎執法人員黎發洩呢？
真係「顧客永遠是對的」、 「收得呢份糧就預左」、「無人逼你去做呢份工」...？
我絕對同意「打呢份工就做呢份工既份內事」，
不過我都想提一提各位，份糧唔包比人發洩架。
唔關執法工作有無咩「大仁大義」事，就算我純粹打份工都無責任比你鬧，that's it.
咁大個人，
係要咁低層次，去到要拉要鎖先識停？
唔曉咩叫自重既咩?
x x x
要講既係咁多，唔回呢個Topic喇，費事累呢個又lock post。
引用:
原帖由 Boniface 於 23-8-2010 00:20 發表 
販管隊成拉人個手法都俾人投訴
佢地真係要檢討下
[
本帖最後由 gd1893 於 23-8-2010 01:34 編輯 ]
