呢幾日要趕工，唔夠時間繼續出Post，先同大家莎個冧先
又繼續講下工作既進展先
係繼續間場既同時，我決定先做兩張十分緊要既枱出來。
呢張就係我既第一張枱
自己一手一腳鬥出黎既鋸床，有左佢日後做野都方便好多，多得佢先有之後要介紹既第二張枱
先裁好D木條做枱腳先
雖然好容易裁到D木長短一致，但係要度番岩個角度，足足花左我幾粒鐘既時間
先砌好左個底之後，之後就砌埋個頂，咁就完成左個骨架出黎
睇唔睇得出係咩黎？呢個就係Game場既接待處啦
本來以為好易做起，點知問題又出左黎.....
有兄弟問：「喂！你張枱岩唔岩人體工學架？好似高左好多喎！坐低隻手都去到下爬，係咪做比巨人用先？」
一句說話我就當場呆左，結果.....
所謂「人體工學」，我又花左幾粒鐘去改番短成張枱既高度，真係做好難做得好.....
今次我特登拎埋張櫈來度位，岩比例啦掛？
問題又點會得咁少丫...
當我想加番個頂既時候....
塊板係唔對位架!!對得到個右面又對唔到個斜面，真係做到人都顛
最終唯有用番鋸床慢慢磨番好Ｄ邊啦
(張枱就做住咁多先，下次再同大家跟進下其他工序既進度啦)
