有冇讀過咩野『邊際XX return定律』?
134a氣壓細, 火力細, Recoil細.
Topgas氣壓較大, 火力較大, Recoil較大.
18紅氣氣壓更大, 火力更大, Recoil更大.
22紅氣氣壓好大, 火力未必有18氣咁大, Recoil未必有18氣咁大.
co2(一般係槍街買到的來講)氣壓最大, 火力未必有Topgas咁大, Recoil未必有Topgas咁大.
------------------------
氣壓大唔係奉旨大火力, co2都未必過JJ又或者近JJ.
用co2做個例子, 你氣壓係大, that's mean 你打開嘩佬果下力就要更大, 但如果hammer唔夠力頂fire pin, 你係彈夾出到來果啖氣, 分分鐘細過topgas.
我當你hammer夠力, 啖氣出到來上飛機. 因為氣壓大左, 你出到飛機ge氣都會多左, 但係唔會多太多, 因為D氣會比飛標cut左, 去左做bolt back, 而且你個飛標可能因為氣壓大的關係, 比用topgas更早關閂. 所以最明顯係Recoil大左.
如果想要個火力大D, 就要加重頂住飛標果個彈弓, 令佢延遲關閂, 咁就可以比多D氣出管, 但係個Recoil就會相對弱左. 如果想兩個都有效地增強, 除左你個hammer要夠力, 你個嘩佬流量都要夠大, 唔建議偷位, 可以減弱嘩佬彈弓, 但係一隻夾就一個嘩佬, 我寧願搞hammer. 通常加強hammer彈弓就已經夠, 再想加大火力, 可能要係槍管著手.
so唔係話氣壓大就一定火力大, co2就=過JJ, 簡直荒謬. 唔係話冇可能, 只係唔係一定. 講咁多廢話, 下次一樣有人走出來講co2一定過JJ. 所以都係唔講了.
唔信可以試下用"我們"的手槍, 一隻topgas夾, 一隻co2夾, 打出來試. 又或者一隻夾差topgas, 一隻夾差co2(非co2專用夾), 插係同一支槍. 睇下個效果.
另, co2都有分唔同氣壓.
如果想改弱支槍, 用134a係一個方法, 令飛標提早關閂都係方法. 唔同槍有唔同做法, 如果你係唔識改, 市面上又冇kit買, 你就乖乖地用134a, or識D好朋友, 然後假手於人. 都係一個方法.
[
本帖最後由 hermanht 於 18-8-2009 15:20 編輯 ]
