相信有玩過METAL GEAR 1 的朋友都不會不認得呢支槍，當年看起來騎騎呢呢，但今日已成為完美的配答，滅聲 + 初代 LAM，少一件都唔得。
雖然很多人說過，不過呢支槍裝左滅聲之後真的只有卜卜聲... 就像個橙1 尺高跌落張台度，難怪不少人拎黎做毛毛 SNIPER SIDE ARM。
不過扳機因為要負責埋上彈功能，如果喪扣20 下以上都幾累人。
呢一盒係旺角千你達玩具店買番來，比槍街平足$150 蚊，冇位比你試槍，但可以比你入GAS 去彈匣試試有冇漏氣，算係咁了。
支槍有咩優缺點已經講到爛，改燈 + LASER 亦已經有教學，而我亦來個依樣畫葫蘆，
但只用 3 粒 AAA 電，雖然唔算勁光，但已稍具功能了。
裝住碌槍的SOCOM 膠槍盒
打開，就是一碌膠槍麻...
滅聲器也很亮，雖然是金屬的。
這是另一支滅聲？非也... 只是配以一支45 蚊的消光油得出的效果而已
倒瀉涂改液了囧...
蘋果綠色，MK23 特點，當然又是得個樣
消光滅聲 + 滲線，即刻可以扮上菜
哇！MARKING 呀喂...白線出界位可以用牙簽卒，棉棒 + 開油水慢慢抹，也沒花多少時間
滅聲一碌，美佬話可以由 75 分貝 -> 65 分貝，雖然相差10 ，但人類聽起來分別就似係同朋友傾計 VS C9 大聲講電話。
前準星，點,,,點先點得圓？其一係油的濃度，二係手定。
後西，點呀點
係時候攪佢個歡樂 LAM ，本身係一支貧弱LED 電筒加個更貧弱的紅色LED 扮 LASER，電筒 45 蚊，燈頭用來照，入面 3X AAA 電匣都用埋
燈頭 + 原子灰固定LASER ，先用BLU TAP 定位，試到岩，就抹一劈原子灰定死佢，冇得番轉頭，值得一提係文具店 LASER 的電路非常紙扎，郁下就燒，一短路就出煙...
亦唔可以斬走個電路版齋要頭，否則個燈光會極弱，必須全個內膽要齊 ( 牽涉到要CUT 走LAM 個定位膠柱... ) ，唯一可以CUT 係LASER 入面 送的兩個小電燈 + 尾尾接觸電池的彈弓，既然唔掂得個電路，就只好將電線燒去背後SWITCH 位的腳 ，燈頭黃銅部份是正極位，似乎高溫會燒左入面個LASER ，請愛用電線膠紙。
手殘的我用左 6 碌 LASER 先攪掂.. 有D 店10 蚊 碌 ，有D 店 20 蚊碌，都仲平過國 9 LASER
完成品，黃銅色是 LASER 頭，另一邊的膠片唔見左，是旦 1 DAY CON 的盒代替，燈罩是磨走左個尾，先放得到個燈頭。
由於錯用有蝕性的膠水，整花左個LAM 殼，只好磨番滑再噴黑油再噴消光，所以而家個LAM 的色有點啞的。 ( 噴之前記得搵 BLU TAP 封哂 D 燈頭，LASER 位 )
上菜味濃，加埋電，加埋匣，埋單剛好 1 KG 冇多冇少
圖中的燈罩是SET 得不好，沒貼近LED 令很多光走進盒中，後期已磨細個燈頭塞入少少，痴細黑膠圈上，貼近個LED ，
令光度更加集中。
只裝 LAM 的樣子，有人說像是生炸鰓，但我覺得幾好看
開燈 + LASER ，嚇見一碌巨棒在上面 囧||| ，咦... 加埋個門柄又幾似 食鬼... ( 貓貓天性愛玩 LASER )
當然比書丫快牙一半光度都沒，但照到眼也是會有黑暈的，順便說說，電路我分開了LASER 跟燈，馬記本身LAM 底有個轉盤是 ON / OFF，後面近護弓是個 左右撥的SWITCH，可按實 開或剔另一邊固定開，原裝那貧弱電筒跟 LASER 要一齊開關，而我用圓盤作電筒，撥片作 LASER 開關，
可以開燈唔開LASER，反之亦可，同樣可以一齊開。這樣改可以齋用LASER ，但不能用電筒閃人了 ( 反正我用不上 )
[
本帖最後由 Dave 於 29-7-2013 09:47 編輯 ]
