說好了的獨木舟,
著好了的泳褲,
究竟.
一班營養不良,
中央肥胖的青年,
如何在逆境中尋找到被收藏的挨瘋呢?
-----------------------------------------------------------------------
是咁的
1400
話說我地一行3人尋日由西貢搭小巴入海下露營
咁我地一抽二lun就坐小巴尾啦, 我坐尾位雙座路口
1425
去到總站就論論盡盡咁落車, 司機好似好好人, 叫我地慢慢
大約落左車幾分鐘就發現電話唔見左
由於我等小巴時玩過電話, 上左車後同朋友吹水, 應該咩都冇做過
所以認為留響小巴機會極大
小巴等時候未開車, 就即時上去搵, 司機好似
當時只有3個客
冇人坐尾位附近
尾位座位下雜物不多, 只有洗車喉, 坐位背攝了數塊橫越3個位的大紙皮
及路口緊急門放左個殘舊尺半x尺半左右既有蓋雜物膠箱,
大概咁ge樣
司機好似好好人, 叫我搵清楚
咁我當時都有d心急, 搵左坐位邊, 兩邊同前後座地下
的起左紙皮同拉出d個雜物膠箱(由於當時雜物膠箱頂蓋只有裂痕, 但完全是蓋實, 無可能跌落入面)
都無發現, 就打手勢叫朋友打比我
好衰唔衰..我好似校左震機...
當時都覺得搵個地下都搵得清清楚楚
咁無發現唯有落車再諗下係咪塞左落背包, 跌左落路邊草叢等等 (我落車一分鐘小巴就開了)
朋友很精明, 記下了車牌
但都冇, 咁朋友就問我有冇找椅背同patpat之間隙縫, 咁我的確係無...
心諗唔通真係咁戇居?
於是朋友打我電話, 通, 但冇人聽
隔左十分鐘都係咁
1500
大家一致認定係攝住左響椅背同patpat之間隙縫, 並且未被發現
想起以前睇過d憑定位搵返ipad既新聞
小弟有開ilocud同find my phone功能
於是借用朋友手機裝 app 啦.....誰不知...朋友部ip4係 ios 4
裝唔到find my phone/fd app
於是打比女友, 叫佢裝同 track 我電話
1515, 女友track到果然電話響車到, 出緊西貢, 於是商議後決定等一兩班車, 應該就會回頭
1530, 3班車都唔見, 覺得有d奇怪, 因為佢15分鐘一班車, 無理由有4架車做
但為免打草驚蛇, 冇問d司機
同時女友回報gps新位置顯示響青山道出緊市區
我地研究左一陣, 估計有兩個情況
1. 架車返站頭後轉左線去彩虹
2. 電話已經被人發現拎左
1550, 決定假設佢轉左線去彩虹, 會返西貢
於是我就一個搭車出返西貢
中途女友不斷 track 住個 gps
後來gps果然響彩虹停左一陣後回頭返西貢
1620, 女友報告小巴即將入站, 果然就見返架小巴
於是叫司機比我上去搵多次, 我第一時間緊係搵patpat隙啦, 無! 而且原來條隙好薄,
司機問我"你係搭我車唔見?" "你又記得係呢架車?"
我留口,冇詳解, 只話記得車牌
司機繼續好似好好人, 仲幫手翻箱倒篋搵
同時將果個我冇打開過既膠箱蓋打開
可能由於殘舊, 個蓋就爆左少少了
內裡物品不多, 而且本身個蓋係搕住, 電話無乜理由跌到落去
但姑且一搵, 沒有
於是前前後再找, 沒有
此時, 司機已被站長催開車, 當時六神無主, 可以點呢? 點解無既??
1625 我就落了車
睇住小巴又開左
女友keep住通話, 佢話gps 跟住走左....
1635, 思前想後認為司機相當可疑, 不過唔明點解佢一直冇熄電話
決定報警, 睇下可唔可能警方在小巴到彩虹時做到d咩
但由於無實際證據, 我又飛唔到去彩虹現場, 報案中心話幫唔到, 除非我去到現場, 但佢地又未必有理據 hold住佢
唯有再博一博, 等佢返西貢前報警, 女友keep住 track gps
同時叫一位朋友從海下出來幫忙
1700 報警
1714 警方到場
1717 小巴埋站
朋友留意到司機見到警員同我, d眼神怪怪
一落車已經呀支呀左鬧我阻佢搵食, 玩佢, bb巴巴 etc..
同警方解釋完一輪後同一名警員再上車找
找不到半分鐘, 此時女友告知原來可搖控發聲
bibibibibi~~~~
細聽下發覺來自膠箱
一打開就好明顯見到部 iphone 條銀邊
打橫攝響箱內雜物同箱邊位置
果下我真係好火, 因為個位實在太人工, 而且最初個蓋跟本無爛到, 無可能跌左落去
肯定係佢響我返西貢等佢第一次後, 佢去到彩虹放落去
但始終並唔係證據確鏧, 警方似乎認為難以控告
呢個時候, 個司機居然想行埋來小我, 話我玩o野云云
我個下真係想打7佢, 不過我只係好大聲一輪粗口鬧走佢
扮曬o野, 仲想抽我水?!!
咁大個仔第一次當街大巷大大聲用粗口鬧人
可能佢真係已為我on居居?
警方都認為發生咩事, 大家心照
只係我都清楚一來證據未必夠做, 同埋我最想都係拎返部電話, 而且有朋友已經響海下等左3粒鐘
所以冇糾纏落去, 食返個糖水仲 join 埋個 late show友人打的返海下
繼續開開心心咁露營了~~~~~~
後記,
我地猜測司機唔熄機可能有幾個原因
如果佢袋住仲熄埋機, 衰左解唔甩
又諗, 點解佢唔響彩虹交比其他人?
猜測, 佢貪心je, 佢d同事未必肯同流合烏喎, 容不易比人報寸
亦由於佢d班次幾密, 佢跟本未諗到/無時間處理
估計佢其實響我落車後已經執左我電話
第一轉時袋左響自己既 bag
之後唔對路放入膠箱
咁我再搞大佢(事實亦真係有), 搵到, 可以話係我自己跌落去
搵唔到, 收工袋袋平安
