引用:
原帖由 sovietarmy2012 於 18-8-2016 12:51 發表 
我原本係貼響珍品區，諗住比大家睇下百年古物，只係比阿公移帖至此。。。。你問我想討論乜，我都諗吾到乜要討論
英文行字就係我的想法，百年前的中國手工藝象牙彫刻魯格炳，就係咁多。
以前D人覺得象牙矜貴，今日就反象牙工藝品，我覺得應該要禁象牙，而要保育象牙工藝，例如用代用品彫。
若然真係要討論,
其實大把野可以研究.
例如這對標榜是中國手工藝的握把, 究竟是真是假.
樓主說網站不能下載圖片, 所以淨貼連結.
小弟後來發現原來圖片可下載, 順手貼埋上黎方便觀賞吧.
這對握把的描述是: 1900-10年間中國製作的象牙彫刻手柄, 取自一個在一戰時從被日軍射殺的中國士兵所配帶之手槍.
如果對歷史有點興趣, 不難發覺有些少唔對路.
1900-10年間仲係清末尚未民初, 擁有一把當時俗稱撸子的半自動手槍, 並唔係平民百姓坊間會發生的事.
而一戰時日軍與國軍有武力衝突, 最大可能性是山東吧?
在1915年, 一個沒有前文後理的中國士兵,
隨身帶有象牙柄手槍, 只能說那不是每天都會碰上的事.
另一邊廂, 清朝末期中國的骨/象牙彫刻工業很有系統, 有分成北京/蘇州/廣州三大派,
當中廣州最華洋交雜, 吞吐量最大工藝亦最領先, 工業架構非常完善, 有守舊的貢行亦有進取的大牙行.
長話短說: 若按當時中國象牙彫刻工業的水準, o甘呢對柄的設計構圖及造工, 都只能用凌亂生硬幼稚去形容.
其時中國彫刻工業, 成品不論檔次, 都早已成熟把握突/隱/陰刻,鏤/鑽/通/圓雕各種技術.
相中手柄只要看看那條龍及雲紋的層次, 及非光身的底層, 不難發覺彫刻者似無受過正統中國彫刻工藝訓練.
我個人甚至會大膽假設這東西很大可能根本不是出自中國工匠之手.
模仿或老翻中國工藝品, 在從前不是什麼罕有的事, 瑞士英美都係表表者.
若我們凡事都只從個人或單向價值觀去品評, 那對世間很多事與情,恐怕一輩子都很難有比較具體化的見解, 間接亦會冇左好多吹水既樂趣.
