老虎乸網購服務好....
話說近半月來足不出戶，大玩育成遊戲，故網購居多，
當年唔知幾時買過老虎乸d 野比左個mail佢地，得閒無事就send mail 話大特價不過都係貴人一截，多數不會考慮，
至上排想裝個紅點上25mm 鏡，去eh 買個25 mm scope mount rail 比左個30mm 我... 先知原來市面頗難買到呢類野，
最終係又貴又慢的老虎乸網搵到，見到200 克又150 克以下免本地郵費 ( 其實佢貴過人果截夠寄uc 速遞 )，故花了數十巨圓買下，
當時是 3 月28 日，事隔數天，本人又睇中左隻國狗 AK 表尺，買埋，又進貢數十巨圓。
事隔十二餘天，尚未收到貨... EMAIL 去問，沒人應的，事隔再兩三天，對方下款為senior cs 的人物回email 話此單正寄出within 1 ~ 2 days , ok... fine...
隔多五、六日，尚未收到貨，打電話去，問個25MM SCOPE MOUNT RAIL，對方而家先話話冇貨... ( 注意買的時候是SHOW IN STOCK 的，不然跟本ORDER 不到 )，
那我問你地唔講既？EMAIL 又不覆，又問現在應該如何？
對方答可以等... 黎緊有大貨番，我問是否呢批貨一定有？對方答不一定的，到貨才知。(ps. ak表尺己收到）
那我問如果沒有如何？ 佢答可以揀其他，那我就答那我揀其他吧，反正不知有沒有，
當天回了EMAIL，為免對方忽然忘了為何我改ORDER 引起爭拗，MAIL 中打明是因對方未有貨物，故本人改單要其他，
亦應對方要求揀貨物差額在20 蚊港紙內的貨，我也依了。此時已過了order day 24 日。
過多8 日，終於有個mail 話「此單已ship」，那我也就靜心等貨。
一星期後尚未收到貨，我心諗本地郵件... 如果對方實牙實齒28 號寄出，一星期就算兜一轉美國番來都到了吧... 打去問。
我問對方是否已寄出，對方話寄了，我說未收到，對方說要十四天working days，我當時無知地問：本地咋wo？ 要十四日？working days？
對方答：係 <-- 注意是沒有尾音的，更不要妄想跟你說句不好意思
當時我心諗責人不如責己，或者當時買野時我剔過一d 水蛇春咁長的合約係話明要14 日我唔知卦？ ( may be... )
我只好問：那是否14 日之後收不到貨才好再打來？
對方一樣是無尾音的答了句：係。
我：好吧唔該。當時訂貨時間相隔了一個月加六日，即五月四日。
由於香港郵政星期六都是working daysssss ，所以不知昨天還是今天已是dead line，未收到貨。
昨天下午對方mail 來問我收到未。
我答：沒有
對方沒有回應。後來我追問：14 日派件工作天已過，還沒收到貨，請問如何處理？是今天中午十二時發出的，差不多番工了吧。
可惜暫不回應。
時間到今日，相隔了一個月零16 日。
事件就是這樣，由於自己素來思覺失調成日覺得有人害我，所以呢d 往來email 一定是keep 住的，如有花生友不信的話也可以cap 圖佐證，謝謝。
還記得隔黎台有人問老虎乸買野如何？ 當時仲想手痕話唔錯，好采冇手多打字。
或者有人覺得咁細數咪嘈，又或者人家做開海外大生意唔得閒理你班港燦，我自己比較阿q ，覺得對方或者真的是一時不小心或者系統問題或者天災人禍，繼續等下吧，反正天熱打game 少，等到下年我不mind 的。
順帶一題，3 月28 日至今，本人手痕買了些玩具，而這些玩具也是在老虎乸 有的，加起來沒有四千也有五千，自己也略知零售業，有時問客人為何不在你處買野，事出往往有因。
原創小說：黑鷲
http://ck101.com/forum.php?mod=viewthread&tid=2660842&extra=page%3D3
