出自維基百科，自由嘅百科全書
陳惠敏（Michael Chan，1946年7月10號—）係前邵氏兄弟（香港）武打動作演員，熱衷拳擊、中華武術、健身等，背脊有龍圖騰樣式嘅紋身，配上2臂左青龍右白虎同埋最著名嘅胸前雙鷹。
佢少年畢業後一開始就投身香港紀律部隊：先係傳聞中嘅香港懲教署，編號為403；及後則投身皇家香港警察（喺警界中，服務滿二十年以上者無人唔識，並且能夠足以證實），離隊前隸屬西九龍任職刑事偵緝，編號為8872，而且有講階級至警長。期間游走黑白兩道，人面廣，至因此可能於離職後順理成章多涉江湖，雜誌報稱佢同日本山口組成員關係密切。
電影中成日扮演真我，語言剛烈，出口成章，亦以愛家庭，重義氣，以及一套靈巧身手同快拳聞名，面對非江湖人士及非驕橫之徒就好謙和。
成名前多飾演反面人物好似初露鋒芒跳灰中嘅職業殺手、富翁打手、一幫之主等，而喺民族有關嘅動作片、身不由己嘅黑道或偏門中人好似舞廳、士為知己者死嘅武林高手、喜劇人物好似黑道福星等多以正面或半正面人物身份登場，亦有著重演技嘅好似代表作浣花洗劍錄中不求名利醉心武道同人生哲理嘅白衣人、因不幸同埋心理歪曲而走火入魔嘅狂徒一脫求生等，到成熟期就多數演江湖叔公輩或鄉間富人或具聲望之輩。
曾經同日本女星新藤惠美傳緋聞。[1]
1983年年屆37歲嘅陳惠敏參加「世界精英搏擊大賽」，只用咗35秒就擊倒日籍拳手森崎剛[2]。
