故事由9月說起…

她是我舊同學的同事，在某大私家醫院工作，我與她多少都因舊同學而相識

當時大家都單身，我單身了接近一年，她亦和前度分開三四個月，佢好仲意跑步，大大小小長跑比賽都有佢份，有香港排名果種，我都幾仲意行山跑步，雖然跑步無佢咁堅……

很快我們開始了，我知道她的前度對她很差經常講大話，出面有第二個，所以我盡力對佢好，希望佢唔再受傷害，有時佢講到佢前度，都突然好激動，有次更因為佢前度打比佢話佢cheap，而喊左好耐，我亦哄左好耐

我就知道，佢仲好在意佢，未放下佢，不過，已經開始左，就盡力去做好我本分，不盡行動上，精神上，佢都親口講話，知我做左好多，旁人都話我，變左好多，知我認真起來…

到了十一月頭的一個凌晨，突然同佢lost contact,我的第一感覺系擔心佢出事，我馬上找佢的好姊妹同家人，問佢係邊，佢家人都唔知佢去左邊，最後佢好姊妹contact到佢，佢話自己要冷靜下，而我都係搵唔到佢，什至我聽日返7點，我都諗住出去搵佢…最後，佢的前度打比佢好姊妹，話佢安全無事，叫我地唔好搵佢住

我就知道最唔想發生既事，將會發生，就係幾個字後，佢同我講佢要分手，原因係佢仲仲意前度，我崩潰了，佢不停話我係好男人，但佢愈講，我愈心痛愈嬲，我無做錯野點解要有咁既結果

原來男人唔壞女人唔愛係真既，其實出身三年，早知做好人9成無好結果，但當發生係自己身上，感覺係幾咁無奈，今時今日，好仔唔再值錢，責任心，忠誠等等，全部都係廢話

對女人黎講，原來安全感唔夠感覺實際，就算比人呃幾年同人分男人幾年都好，就算我明示暗示行動實際我幾認真都好

我開始唔信有報應，有報應既點解無數衰人仲未死，有報應既點解應該受既唔係佢前度係我?

我試過去嬲佢憎佢，我做唔到，因為我覺得，佢其實都係佢前度既victim

兩個月了，我仲未可以止到痛，但幸運地，我無因呢件事而影響工作，只係單獨時間，會好多胡思亂想，成日諗，我做錯咩?我想搵個正常d既女仔都咁難?

以上故事全部屬實，無加多減少，只係想舒發下感受，多謝師兄們收睇

kenchan3037

ching加油，最衛大既愛就係唔洗回報，繼續對佢好
，一日佢回頭望見既會係你

kenchan3037

好人根本唔會有好結果，維一就係自己轉個角度，男女關系可遇不可求。
係愛既就應該無私咁為佢好，只要佢活得開心就夠

sergeant3007

引用:

原帖由 Anonymous 於 25-12-2012 08:43 發表
故事由9月說起…

她是我舊同學的同事，在某大私家醫院工作，我與她多少都因舊同學而相識

當時大家都單身，我單身了接近一年，她亦和前度分開三四個月，佢好鍾意跑步，大大小小長跑比賽都有佢份，有香港排名果種 ...

忘記過去, 努力將來!
成功係最佳報復, 多年後當你同伴侶講起這件往事, 祇會一笑置之.
她不懂珍惜你, 大把女仔懂, 別急, 欲速則不達!

唔係話悲觀
只係好男人遇到好女人只係可遇不可求

無錯係會痛
我都痛緊

gtoray

做好人收好人卡是常識吧？

loveless

人生裡面, 離離合合, 總會有無數過客.
若人離開你, 就總是你人太好不夠壞, 那你離開人時, 又會是什麼理由?

情似風箏, 只憑線牽緊,  本來無愛也無恨.

monopolyshiu

師兄既然你憎佢前男友既所作所為
你又甘心自己做相同既事咩？
做好人做壞人都有代價
做好人唔一定有好結果，但最少心安理得
隨自己良心而活吧

Time will heal,  努力吧

sergeant3007

引用:

原帖由 loveless 於 25-12-2012 10:09 發表
人生裡面, 離離合合, 總會有無數過客.
若人離開你, 就總是你人太好不夠壞, 那你離開人時, 又會是什麼理由?

情似風箏, 只憑線牽緊,  本來無愛也無恨.

同妳終須分別, 回復我自由身........

rho837

做好人未必會有好報！但是做好人就一定好過做壞人多多聲！

Tango1997

實際D講。。。。被愛。。。雙愛。。。去愛。。。係三件唔同既事！

樓主無做錯唔代表一定合理地收到應有結果。。。。呢個係一相情願既想法。

做壞男人先有好结果？。。。。邊個講架？。。。。男人壞唔壞係個人行為同心理問題。。。。你夠膽講你依家即刻變壞男人會一定有好結果？(一時快感一定有 ，但後患無窮) 。。。。。三思而後行。

你對人好。。。總會有人欣賞你。。。。無須改變。。。緣份來時。。。你走唔甩。。。別心痛。。。。男人蕭洒D啦

衰人

好人永遠都唔會有好報............

依個女人太愛佢既EX根本就唔可能放得低佢....勸師兄唔好再諗嘞
『要走就唔會留，要留唔會走』強求既就只會自己傷害自己.......

仲有師兄你其實咩都無做錯.......錯不在你

衰人

引用:

原帖由 kenchan3037 於 25-12-2012 09:03 發表
ching加油，最衛大既愛就係唔洗回報，繼續對佢好
，一日佢回頭望見既會係你

愛真係唔可以睇回報...但有時要分返開D，噤樣只會越踏越深有時唔可以一廂情願

oliver1997

老老77,我雖然係死靚仔中學生...但都明白老兄你心情,我有過呢D feel,真係會hurt
錯不在你,女人其實真係好自私...真係唔好踏禁深
好多時係我地諗得太過一廂情願,但當局者係一定唔知自己中伏.....
我既愚見就係可以愛,但記住要打Brake

Tango1997

以退為進：
女人既野。。。。佢知道你緊張佢。。。。佢洗乜緊張你。。。。女人就係咁。。。。你咁緊張佢。。。。佢真係當你臭四。。。。衰你就衰硬。。。。試下呢招得唔得。