|
Crackong  特級士官長
- 帖子
- 418
- 積分
- 12265
- Like
- 19
- 在線時間
- 1003 小時
- 註冊時間
- 7-2-2015
|
1#
大 中
小 發表於 29-6-2016 11:37 只看該作者
DIY之G19燒握把篇
大家好.
事源於一張網上圖片
本來我對燒握把有抗拒,因為大多數燒握把示範都係同一種洞洞洞洞洞,冇咩新意之餘仲令我有少少密集恐懼症.
但係尼一款..我承認我一見鍾情了
原本係諗住搵槍店做,但係經過詢問之後發現各大槍店一係做唔到尼隻紋,一係直頭唔做,就算做其他紋個收費都好貴!)))
自己搵野嘗試過亦完全做唔到類似效果.
做足網上功課之後發現尼一隻紋原來係美國某個槍匠獨家製作,唔怪得咁難做.
好啦,退而求其次.
尼款我個人覺得ok,雖然係由洞洞構成但係整體圖案幾靚令人忽略佢d洞洞,同埋入左槍套帶住走會比人一種飄揚的感覺
於是就進入DIY環節了.
先說材料同工具.
多買一個下身係必須的,可以於彩虹店購入.
主要工具係鴨記買既木工用雕刻筆,附有幾種頭,會用到的係右下角圓柱形頭同埋斜頭.
成本同工具一覽:
G19HW 下身, $200
鴨記木工雕刻筆, $50
鴨記電動鏍絲批, $50
文具鋪雕刻刀, $20
短鐵尺, $5
小形尖銼, $6
砂紙(100號,200號,400號,600號,1000號), $30
膠紙, $4
筆一枝,$5
即係話,唔計手工的情況下,成本只不過係$370 .
首先係粗打磨.
用100同200號砂紙將個握把修成自己想要的形狀.
平面部分就咁用手拎砂紙去磨,彎曲部分就用電動鏍絲批卷上砂紙去打磨.
我就將握把手指槽磨平,左右兩邊修一修身同埋護弓下方開多一條槽.
之後記得先用筆畫好實際上要燒的範圍.
然後先練習,可以用原本個下身或是glock入彈器等等試做圖案練一練手感.
第一樣先做的係圍邊.
圍邊係好重要的一環,出來既圖案靚唔靚好睇尼一步.
做法係用雕刻筆+斜頭尖端係鐵尺的幫助下劃出直線.
留意唔可以入太深否則擠壓出來既膠會破壞左條直線.
曲線就冇咩好講,睇手工,就算唔係好靚之後都有得救的.
記得用手套,鐵尺會傳熱
圍好邊之後用文具鋪雕刻刀小心的將直線旁邊擠出來既膠鏟走,再用尖銼將條線加深.
之後將條邊貼好進入打磨步驟.
點解要再打磨呢?因為我選的圖案需要較光滑的底色去構成星星的部分,而且護弓部分我亦打算用光滑面.
真正燒握把的部分.
首先將網上圖片調整成自己需要的大小,列印出來.
將所有線條部分界開,調整好位置貼係握把上,再用筆畫好所有線條.
先圍邊.
雕刻筆用圓柱頭,記住用輕點的方式去圍邊.
千祈唔好點太深,點得淺可以之後再補但係點得深就救唔番.
慢慢將空隙填滿,記得用輕點.
之後開始處理國旗橫線部分.
留意必須做兩隻同上面唔同的紋,咁樣出到來先見到四色美國旗.
尼度做的其中一種係先用輕點再係上面輕輕拖過做出類樹皮紋,另一隻就係深點.
另一面同樣咁做.
補番未有裝飾的地方同埋做最後(如果需要)光滑面既打磨.
裝番下身零件入去就大功告成
為G19特登配的G19箱.
總結:
耗時約8個小時,當然是分開幾日計.
作為業餘性質DIY作品,當然有好多細微的部分做得唔好.
直線唔夠直,畫線有出界,打磨時磨到唔應該磨的地方等等.
但係總括來講出到應有的效果.
成本只不過係$400內但係成枝槍立即煥然一新
9/10/2016 追加:
經gainax師兄點醒,做了少量染黑.
我知道要染出原本隻灰黑色會好麻煩,所以我偷懶
用模型用滲線筆滲線,等乾左再滲一次
可以見到出界的部分反光顏色係不同的,用酒精滲綿花棒洗走
成品,同原本比起來又靚左唔少
多謝收看！
[ 本帖最後由 Epxaiual 於 9-10-2016 22:04 編輯 ]
|
