廢話先少講，(暫時)完成圖：
(下面多字多圖)
前日在網上見到某槍店國狗特價，金弓所出既「三不像」A47-03(所謂SVD)更只需三百元正，第二日馬上趕過去買，原來只有一支，買！
呢支三不像，槍身係AK，尾托前托仿SVD，腳架係RPK，三支都唔似樣而且難睇，確實出唔到場面
不過我唔甘心三百蚊買返黎擺既，決心內外都改！
原槍 (匣用緊另一隻，唔想用短匣。)
上網睇左好多真槍資料，曾經有諗過改為PSL，不過難度極高，而且已有一支SVU，唯有放棄呢個諗頭。
(SVU:
http://www.wargamehk.com/cgf/viewthread.php?tid=137546 )
最後睇到Saiga/VEPR半自動步槍，亦即為AK外銷運動型。
Saiga為普通AK規格，VEPR則采用RPK加強槍機及厚槍管，兩者皆有唔同彈徑版本。 (有錯請更正)
唔少真槍發燒友都將佢地大改特改，改返做AK100系列，又或西化佢，咩種類都有。
亦發覺幾多人改用SVD尾托，都幾合眼緣，比如以下幾支。
(圖片來源：
http://www.akfiles.com/forums/showthread.php?t=148377 )
最鍾意就係下面呢支啦，所以決定參考佢，但長度方面就依上圖果兩支咁，太長打GAME始終唔方便。
今日時間唔多，但動手做住d先啦。開始將三不像變身！
拆槍，然後拼d件落去睇睇個樣。剛好我有朋友贈送AK Beta既槍頭，岩用。
然後度位，準備鋸外管。外管近槍機果邊較粗，外露既槍管頭則較幼。
決定由槍機果邊鋸，唔郁槍管頭，因為槍管頭直徑幼d，可以插上AK Beta既槍頭。(否則會鋸左幼槍管全部份)
(粗管可以用黎遲d整槍管上方既導氣管~)
然後鋸AK Beta槍頭既無用部份。呢part鋸到手軟orz
合埋睇睇先！
遲下就再鑽返d洞以作堅定，再搞手托及導氣管。
16/12更新:
首先用電鑽係外管鑽返個洞，用黎固定外管。(鑽得唔多準！)
然後就裝槍頭，鑽小洞鎖螺絲。不過怕自己預錯位會斜左，所以裝返條六角形長條固定先。之後唔會用呢條長條因為好重！
洞轉好啦，裝上槍頭鑽緊螺絲，我扭呀扭.......悲劇就發生啦
條螺絲斷左！得返個尾係個洞入面，實一實唔出黎orz
搞左半個鐘... 用電鑽係另一邊鑽鬆螺絲尾，終於用鉗扭返出黎
搞咁耐就係想鑽實個槍頭係外管到啦，完成！到導氣管。
右邊果條就係鋸剩既外管部份啦，就用佢做導氣管。先切除連接中身及外管部件既多餘部份。
插得入，再之後會堅定佢。
因為槍頭部件無左六角條既承托，擔心會唔夠力，所以用條無用既鋁內管頂到最頂，再係槍頭鑽個大洞，鎖螺絲。
兩邊一前一後各鑽一個洞，穿過槍身部件、導氣管、鋁內管，上螺絲鎖緊。講就易，做果時都搞左好耐先可以暢通咁轉螺絲過呢三層。
穩妥！到手托啦~
大約參考相中支Saiga咁，用辣雞切走多餘部份。第一次切得太小，側面睇蓋住太多導氣管(或者因為導氣管太幼)，所以要切第二次。
打磨下切口，叫做完成一邊！
另一邊都完成啦，不過未打磨，裝左上槍先^^ 聽日有時間再搞!
下一步係打磨，以及諗下點裝鏡橋。亦會換管換氣缸搞搞個波箱(原槍配530mm管但俾個~3/4氣缸我!)
其實都差唔多完成，但發覺真槍手托更低更厚，用呢個手托改既話點改都唔似樣... 都暫時滿意，用住先!
19/12更新
早兩日換430mm管，換返全氣缸(完裝原來係2/3洞!!!)、set齒、換金屬杯士及做密氣，叫做搞好內部。
今日就打磨返個handguard同埋固定好佢(本身都唔錯)
因為聽日想用既關係，但又想加鏡，所以逼住用ak47鏡橋先。
不過問題黎啦，handguard頂住左!!!
切膠handguard一定易過切鏡橋... 但唔想破壞handguard外表，都係切鏡橋啦。
再之後將部份金屬件噴左啞黑色，原本係反藍光怪色...
暫時完成！
DIY技術及工具有限，望師兄們見諒。
多謝大家觀看！
[
本帖最後由 kenhttp 於 20-12-2014 00:25 編輯 ]
